ஆறில் இருந்து அறுபது வரை :தேவதைகளுக்கு யாகங்கள்

அண்ணே வணக்கம்ணே !

பழைய நன்னி விசுவாசத்துல இந்த ப்ளாக் வழியா  நம்மை அறிந்த சனத்தை திராட்டுல விட்டுரக் கூடாதுங்கற அக்கறையில ஆறில் இருந்து அறுபது வரை நூலின் அத்யாயங்கள் பலவற்றை இங்கே கொடுத்தன்.

அடுத்தடுத்த அத்யாயங்கள் நம்ம அனுபவஜோதிடம் வெப்சைட்ல பிரசுரமாகும்.

சிரமத்துக்கு வருந்துகிறேன்.

தேவதைகளுக்கு யாகங்கள் :

யாகம் என்றால் என்ன? (செவ்வாய் காரகத்வம் வகிக்கும்) நெருப்பை வளர்த்து பல விலையுயர்ந்த பொருட்களை அதில் போட்டு விடுவதே. இதனால் பெருமளவு செவ்வாய்க்குரிய தோஷங்கள் குறையும். (செவ்வாய் நெருப்புக்கு அதிபதி என்பதால்). யாகத்தில் சமர்ப்பிக்கப்படும் பொருட்கள் எந்தக் கிரகத்தின் அதிகாரத்துக்குட்பட்டவையோ - அந்தக் கிரகத்தின் தோஷங்களும் குறையும். உ.ம் பட்டாடைகளுக்குச் சுக்கிரன் அதிபதி.

லக்னம் முதற்கொண்டு எத்தனையாவது வீட்டில் எந்த ராசியில் நின்றதால் தோஷம் ஏற்பட்டுள்ளது என்பதைக் கவனிக்க வேண்டும். உ.ம் செவ்வாய் 5-ல் நின்றதால் தோஷம் ஏற்பட்டுள்ளது என்றால் 5 என்பது புத்திஸ்தானம் - செவ்வாய்க்குரிய கடவுள் – சுப்ரமணியர் - சுப்ரமணியரைப் புத்தியில் நிறுத்துவதால் (தியானிப்பதால்) தோஷம் குறையுமா? வெறுமனே யாகம் வளர்த்து பொருட்களை அக்னிக்குச் சமர்ப்பிப்பதால் தோஷம் குறையுமா? யோசித்துப் பாருங்கள்!

செவ்வாய் 2டிலோ - 8டிலோ - 12டிலோ இருந்து தோஷத்தைத் தருவதானல் யாகம் - தோஷத்தைக் குறைக்கும் என்று நம்பலாம். காரணம் 2 என்பது தனபாவம் - செவ்வாய் நெருப்புக்கு அதிபதி - ஜாதகரின் தனம் நெருப்பில் நாசமாக வேண்டும் என்பது பலன். 8 என்பது ஆயுள்பாவம் – பெரு நஷ்டங்களைக் காட்டும் இடம் – 12 என்பது விரயபாவம் - நஷ்டங்களைக் காட்டும் இடம் - இவ்விடங்களில் செவ்வாய் நின்றால் நெருப்பால் நஷ்டங்கள் ஏற்பட வேண்டும் என்பது பலன். யாகம் செய்வதால் செவ்வாய் தன் அதிகாரத்துக்குட்பட்ட நெருப்பால் கண்டதையும் நாசம் செய்து விடுவதற்கு முன்பு நாமே முன் வந்து அக்னிக்குப் பொருட்களைச் சமர்ப்பிக்கிறோம். யாகங்களை நடத்தித் தரும் பிராமணர்களுக்குத் தட்சிணை தருவதால் குரு கிரகத்தின் தோஷம் குறையும்.

ஆறில் இருந்து அறுபது வரை : கிரகங்களுக்கிடையிலான உறவு

கிரகங்களுக்கிடையிலான உறவு :

சூரியனுக்கு   சுக்கிரன் – சனி – ராகு - கேது பகை
சந்திரனுக்கு   புதன் – சுக்கிரன் – சனி – ராகு - கேது பகை
செவ்வாய்க்கு புதன் – சனி – ராகு - கேது பகை
புதனுக்கு     சந்திரன் – செவ்வாய் – குரு - கேது பகை
குருவுக்கு     புதனும் - சுக்கிரனும் பகை
சுக்கிரனுக்கு  சூரியன் - சந்திரன் - குரு பகை
சனிக்கு       சூரியன் – சந்திரன் – செவ்வாய் - கேது பகை
ராகுவுக்கு     சூரியன் – சந்திரன் - செவ்வாய் பகை
கேதுவுக்கு    சூரியன் – சந்திரன் – செவ்வாய் - புதன் பகை

பாவங்களின் வகைகள் :

1-4-7-10 கேந்திரம்

1-5-9 கோணம்

3-12 அபோக்லிபம்

2-6-8-11 பணபரம்

6-8-12 துஸ்தானங்கள்

இதன் உபயோகம், கோணங்களில் சுபர்கள் பெஸ்ட் - பாபர்கள் பெட்டர். கேந்திரங்களில் பாபர்கள் பெஸ்ட், சுபர்கள் பெட்டர் என்பதை அறியவே. 6-8-12 க்குடைவர்கள் இந்த 6-8-12 பாவங்களிலேயே மாறி மாறி உட்கார்ந்திருக்கிறார்களா என்பதை அறிவதே.

ஆறில் இருந்து அறுபது வரை : டிகிரி

டிகிரி:

டிகிரின்னதும் பி.ஏ – பி.காம்னு நினைச்சுராதிய. ஒரு ராசியை ஒன்பது பாகமா பிரிச்சா நட்சத்திர சாரம் தெரியும். முப்பது பகுதியா பிரிச்சா? அது தான் டிகிரி.

ஒரு ராசிக்கு 30 டிகிரி. 12 ராசிக்கு 360 டிகிரி. ஒரு கிரகம் ஒரு ராசியின் முதல் டிகிரியில் நிற்பதற்கும், 15ஆவது டிகிரியில் நிற்பதற்கும், 30ஆவது டிகிரியில் நிற்பதற்கும் வித்தியாசம் வருமா? வராதா?.

ஒரு தலைவர் முதல்வரா / பிரதமரா பொறுப்பேத்துக்கிட்ட மொத 3 மாசத்துக்கும், கடைசி 3 மாசத்துக்கும் வித்தியாசம் இருக்குமா? இருக்காதா?.

ஒவ்வொரு கிரகமும் பலனளிக்கும் காலம்னு சில விதிகள் இருக்கு. சூரியன், செவ்வாய் ஆரம்ப காலத்திலேயே பலன் தருவாங்க. சந்திரன், புதன் அவர்கள் காலம் முழுக்கவும் –குரு, சுக்கிரன் மத்திய காலத்திலும் – சனி, ராகு, கேது பிற்பகுதியிலும் பலன் தருவார்கள்.

இதன் படி சூரியன், செவ்வாய் ஒரு ராசியின் ஆரம்ப டிகிரிகளில் இருந்தால் சிரேஷ்டம். குரு, சுக்கிரன் மத்திய டிகிரிகளில் இருந்தால் – சனி, ராகு, கேது பிற்பாதி டிகிரிகளில் இருந்தால் இன்னம் கொஞ்சம் ஆக்டிவா எஃபெக்ட் பண்ணுவாங்க தானே?.

கம்ப்யூட்டரில் ஜாதகம் கணிக்கும் போது கிரக ஸ்திதி கீழ்கண்டவாறு வரும்.

டிகிரி பார்ப்பதில் இன்னொரு உபயோகமும் உண்டு. கிரகம் ஏதேனும் அஸ்தங்கதம் ஆகியுள்ளதா என்று அக்யுரேட்டா தெரிஞ்சுக்கலாம்.

அஸ்தங்கதம் என்பது ஏதேனும் கிரகம் (ராகு-கேது-புதனை தவிர்த்து) சூரியனுக்கு 10 டிகிரிக்குள் இருந்தால் அது அஸ்தங்கதமான கிரகம். பலன் தராது என்பதை நினைவில் வையுங்கள்.

உங்கள் ஜாதகத்தில் உள்ள நைசர்கிக சுப கிரகங்கள் பகலிலும், நைசர்கிக பாப கிரகங்கள் இரவிலும் அதிகமாய் பாதிக்கும்.

உங்கள் ஜாதகத்தில் உள்ள நைசர்கிக சுப கிரகங்கள் வளர்பிறையிலும், நைசர்கிக பாப கிரகங்கள் தேய்பிறையிலும் அதிகமாய் பாதிக்கும்.

உங்கள் ஜாதகத்தில் உள்ள நைசர்கிக சுப கிரகங்கள் தை மாதம் முதல் ஆனி மாதம் வரையிலும், நைசர்கிக பாப கிரகங்கள் ஆடி முதல் மார்கழி மாதம் வரை அதிகம் பாதிக்கும்

ஆறில் இருந்து அறுபது வரை : ஜோதிட விதிகள் – விதிவிலக்குகள்

ஜோதிட விதிகள் – விதிவிலக்குகள்

விதிகள் உண்டு – விதிவிலக்குகள் உண்டு - கணக்குகள் உண்டு - கணிப்புகள் உண்டு. அதே சமயம் நம்ம வெப்சைட் பேரை ஞாபகம் வச்சுக்கங்க “அனுபவ ஜோதிடம்”. ஆமாங்க உங்க அனுபவம் தான் ஃபைனல். உங்க ஜாதகத்தை மட்டும் நோண்டி நுங்கெடுக்கிறாப்ல இருந்தாலும் பரவால்ல, பாதிப்பு ஒரு தனிப்பட்ட ஆளுக்கு தான். நீங்க பாட்டுக்கு “அள்ளி விட” ஆரம்பிச்சுராதிங்க.

அப்படி அள்ளி விடறதா இருந்தா விதிகளை விட – கிரக காரகங்களில் எதெல்லாம் ஜாதகருக்கு அனுகூலமாய் இருந்திருக்கிறது, பாவ காரகங்களில் எதெல்லாம் அனுகூலமாய் இருந்திருக்கிறது என்று பார்த்து, கேட்டு தெளிந்து எதிர்காலம் பற்றிய கணிப்புகள் சொல்லுங்க. இதையே உங்க கேஸ்லயும் அப்ளை பண்ணா புண்ணியமா போகும்.

உங்களில் பலர் ஜோதிடத்தின் அடிப்படை அம்சங்களில் பழம் தின்று கொட்டை போட்டவர்களாய் இருக்கலாம். இதுவரை நான் சொல்லி வந்த ஆராய்ச்சி பூர்வமான விஷயங்களை பெரிதும் விரும்பலாம்.

உங்களில் சிலர் குறைந்தபட்சம் நான் ஏற்கனவே வெளியிட்ட 5 நூல்களை கூட படிக்காதவர்களாக - என் வலைப்பூ - வலைதள பதிவுகளை கூட படிக்காதவர்களாக இருக்கக் கூடும். அவர்களையும் அரவணைத்து ஒருங்கிணைத்து செல்லவே நான் விரும்புகிறேன். ராகு / கேதுக்களைப் பற்றி மட்டுமல்ல உங்கள் ஜாதகத்திலான வேறு எந்த கிரகம் தரும் பலனைப் பற்றி அறிய வேண்டுமானாலும் பல்வேறு அம்சங்களைப் பற்றி நீங்கள் அறிந்து கொண்டாக வேண்டும். 

ஆறில் இருந்து அறுபது வரை :மரணத்தை தள்ளிப்போட

மரணத்தை தள்ளிப்போட :

ஒர் மனுசன் சாகறதுக்கு 6 மாசம் முன்னாடியே அவனோட வீட்டு என்விரான்மென்ட் / நூஸ்ஃபியர் (மனிதர்களின் எண்ணங்களால் ஏற்படும் அமானுஷ சூழல்) மாறிப்போவுது. அவன் மேல உண்மையான பாசம் / அட்டாச்மென்ட் வச்சிருக்கிறவங்களுக்கு தெரிஞ்சு போவுது, அவன் பாடில பயோ-கெமிஸ்ட்ரி மாறிப் போவுது. அவனுடைய சப்-கான்ஷியஸ்லயோ, அன்-கான்ஷியஸ் மைண்ட்லயே ஒரு ரெட் லைட் எரியுது. அவன் உடல் மரணத்துக்கு சித்தமாயிருது.

அவனோட செயல்பாடுகளை கொஞ்சம் சூட்சும புத்தியோட பார்த்தா இதை புரிஞ்சிக்கிடலாம். இதை படிக்கிற நீங்க கூட சமீபத்துல செத்துப் போன உங்க சொந்தக்காரவுக, அப்பா, அம்மா அவிக சாகறதுக்கு 6 மாசம் முன்னே இருந்து என்னென்ன நடந்தது? அவிக கேரக்டர் எப்படி மாறிப் போச்சுனு கணக்கு போட்டு பார்க்கலாம்.

பார்த்து ரொம்ப நாளான பிள்ளை, மகள் அல்லது உறவுக்காரவுகளை பார்க்கனும்னு அடம் பிடிச்சு போய் பார்த்திருப்பாங்க. இல்லே வரவழைச்சு பார்த்திருப்பாங்க. கொசுவர்த்தியை உங்க கண் முன்னாடி வச்சு சுழட்டி விட்டு ஃப்ளாஷ் பேக் எல்லாம் எடுத்து விட்டிருப்பாய்ங்க. (ரொம்ப உணர்வு பூர்வமா) ஓஷோ "சாக 6 மாசம் இருக்கையிலயே மனுஷனோட கருவிழி உள்நோக்கி திரும்ப ஆரம்பிச்சுரும். அதனால மூக்கு நுனியை பார்க்க முடியாது" ங்கறார்.

பழைய கடன்காரன் / கெட்டுப்போன சொந்தக்காரன் எவனாச்சும் வந்து உதவி கேட்டு லந்து பண்ணுவான். நிறைய பேர் இதை அசால்ட்டா எடுத்துக்கிடறாய்ங்க. என் தம்பி ஃப்ரெண்ட் ஒருத்தன் 6 மாசத்துல சாகப்போறான். அவனுக்கு கெட்டு கீரை வழியாகிப்போன ஒரு தம்பி. அண்ணன் என்னவோ நல்ல வசதியா தான் இருக்கான். தம்பி அல்லாடிக்கிட்டிருந்தப்ப நான் கையில ஃப்ளூட் எடுத்துக்கிட்டு (கிருஷ்ணர் கணக்கா) தூது போனேன். "என்னமோ ஹோட்டல் வச்சு ஷெட் ஆயிட்டானாம்பா. ஜஸ்ட் ஒரு பத்தாயிரம் ரூபாய் இருந்தா போதும் ரன்னிங்குக்கு வந்துருவன்ங்கறான். யோசிச்சுப் பாருப்பா"ன்னேன். "அதெல்லாம் முடியாது. ஹோட்டல் கீட்டல் எல்லாம் ஜான்தா நை மொத்தத்தையும் விட்டுட்டு வந்து 6 மாசம் ஒழுங்கா இருக்க சொல்லு அப்பறம் பார்க்கலாம்"னான். என்னத்தை பார்க்கிறது. போய் சேர்ந்துட்டான். இது ஏறக்குறைய ஃபைனான்சியல் முடியும் போது அரக்க பரக்க செட்டில் செய்வது போன்றதே.

இன்னொரு தமாசு என்னடான்னா இந்த 6 மாசத்துல சின்ன வயசுல நடந்த சம்பவங்கள் மறுபடி நடக்குது. எங்கப்பா 6 மாசத்துல சாக இருந்தப்ப லட்சியவாதி, சென்டிமென்ட்னாலே கடுப்பாகிற, பொறுப்பில்லாத பிள்ளையான நான் அவருக்கு. நான் ஒரு சட்டை, ஹார்லிக்ஸ் பாட்டில், டி.ஏ.எஸ்.ரத்தினம்பொடி, பஸ் டிரைவருங்க உபயோகிக்கிற சிகப்பு டவல் வாங்கி கொடுத்தேன். அவரோட ஃபேவரட் ஐட்டம்ஸ் இதெல்லாம். எங்கப்பா சாக ஒரு மாசம் இருக்கிறச்ச என் மகள் காணாம போய் அரைமணி நேரத்துல கிடைச்சா. எங்க சித்தப்பனுக்கு அஜந்தா ஹோட்டல் டிஃபன் வாங்கி கொடுத்தேன். இன்னொரு சித்தப்பன் நாங்க குழந்தையா இருக்கும் போதே பெண்டாட்டி பின்னாடி காணாம போன பார்ட்டி. அவன் வீட்ல ஒரு மாசம் தங்கியிருந்தேன். (இதுக்கெல்லாம் லாஜிக்கே கிடையாது. ஏன்னா நான் எப்போ இன்டர்காஸ்ட் மேரேஜ் பண்ணிக்கிட்டனோ அப்பவே சொந்தம், பந்தம்லாம் வெட்டிக்கிச்சு. 1991 டு 1997 எந்த உறவுக்காரனோடவும் டச்சே கிடையாது. ஆனாலும் புது பொஞ்சாதியோட ஒரு மாசம் போல தங்கி இருந்தேன்). பழைய ஆளுங்களை (இத்தனைக்கும் அவிகளோட பெரிய அட்டாச்மென்ட் கூட இருக்காது) பார்க்கும் போது திடீர்னு கண்ல தண்ணி பொங்கும்.

இப்படி நிறைய அனுபவங்கள் இருக்கு. இது மட்டுமில்லே. ஸ்தூலமாவும் சில சம்பவங்கள் நடக்குது. வீட்ல ஒரு சாமி படமோ, முகம் பார்க்கிற கண்ணாடியோ உடையும், ஒரு காக்கா வீட்டுக்குள்ள வந்து ஒரு ரவுண்ட் அடிச்சிட்டு போகும். வீட்டு சுவத்துல திடீர்னு பிளவு ஏற்படும். வளர்ப்பு பிராணியோ / ஆடு, மாடு, கன்னோ சாகும். சாகலைன்னாலும் 15 நாள் முன்னாடியிருந்தே ரொம்ப ரெஸ்ட் லெஸ்ஸா மாறிடும். வீட்டு கடியாரம் நின்னு போயிரும். சாகப்போற பார்ட்டி நாற்காலில இருந்து தவறி விழும். யாராச்சும் ரெம்ப சீரியஸா இருந்து ரெகவரி ஆயிட்டாங்கண்ணா அந்த வீட்ல / வம்ச விருட்சத்துல கூடிய சீக்கிரமே ஒரு சாவு விழறதையும் பார்த்திருக்கேன்.

1984ல இன்னம் ஒரு நிமிஷத்துல எங்கம்மாவோட உயிர் பிரிய போகுதுன்னா ஜி.ஹெச்-க்கு சைக்கிள்ள போறேன். ஹாஸ்பிட்டல் கேட்டை கூட தாண்டலை லாஜிக்கே இல்லாம விழுந்து செம சில்லறை. அந்த காலகட்டத்துல ரெண்டு கையையும் விட்டுட்டு சர்க்கஸ் பண்ற ரேஞ்சு நம்முது. எங்க மாதமிருமுறையோட ரெகுலர் அட்வர்டைசர் துர்கா ஸ்வீட்ஸ் முதலாளி லோகநாதம் நாயக்கர் மறுநாள் சாகப்போறாரு. முந்தின தினம் ராத்திரி டெஸ்க்டாப்ல இருந்த பிள்ளையார் படத்தை மாத்திட்டு துர்கை சூலத்தை இறக்கற மாதிரி படத்தை டெஸ்க்டாப் பேக்கிரவுண்டா வச்சேன். அன்னைக்கு ராத்திரி பயங்கர ஹைப்பர் டென்சன். சிவராத்திரியாயிருச்சு. மொத்தத்துல சாவுங்கறது ஒரு செகண்ட்ல ஒரு நிமிஷத்துல படக்குனு வர்ர விசயம் கிடையாது. அதுக்குண்டான ப்ராசஸ் அட்வான்ஸா ஆரம்பிச்சுருது. நாம தான் T.A, DA, HRA கணக்குகள், டிவி, கிரிக்கெட், சீரியல்னு மெய்மறந்து இருந்துர்ரோம். பொட்டுனு பூட்றோம்.

மரணம் இவனை ஹலோ சொல்லப் போற தினம் வீட்ல இருந்து புறப்படும் போது (ட்ரஸ் அப் எல்லாம் முடிஞ்சு) திடீர்னு வயித்தை கலக்கும். சாவை முன் கூட்டி ஸ்மெல் பண்றது எப்படி எளிதோ, சாவை தள்ளி போடறது கூட ரெம்ப சிம்பிள். உங்க சர்க்கிள்ள யாராச்சும் சாக பிழைக்க இருந்தா இன்ஃபர்மேஷன் கொடுங்க. சின்னச் சின்ன வேலைகளால அவிக மரணத்தை தள்ளிப் போட முடியும். ஒரு தடவை தள்ளிப் போட்டுட்டா மறுபடி அந்த மரண முகூர்த்தம் வர பத்து பதினைஞ்சு வருசம் ஆயிருது.

ஆறில் இருந்து அறுபது வரை : வாயும் இன உறுப்பும்

வாயும் இன உறுப்பும் :

வாயும் ஆசனமும் ஒரே குழாயோட ஆரம்பமும் முடிவுமா இருக்கு. ஆசனத்தை ஒட்டித்தான் இன உறுப்பும் அமைஞ்சிருக்கு. வாய்ல ஏற்பட்ட அசைவு குளத்தில் எறிந்த கல் குளமெங்கும் அலைகளை ஏற்படுத்துவது போல் ஆசனத்தையும், ஆசனத்தை ஒட்டி இருக்கிற இன உறுப்பையும் போய் தொடுது. இங்கிலீஷ்ல மவுத்துன்னா வாய். உருதுல மௌத்துன்னா சாவு. மவுத்தால (வாய்) மவுத் வர (மரணம்) வாய்ப்பிருக்குங்கோ. வாய்ப்பு என்ன மரணம் வந்தே உடும்.

வாயை கட்டணும். வாயை கட்டினா வவுத்தையும் கட்டலாம். இல்லைன்னா தமிழ்நாடு போலீஸ் மாதிரி நித்ய கர்பம், ஆண்மையின்மை, முழங்கால் வலி, மேசிவ் ஹார்ட் அட்டாக் எல்லாம் வந்துரும்.

மனிதனில் இருப்பது ஒரே ஒரு பவர். அது செக்ஸ் பவர். அது கீழ் நோக்கி பாய்ந்தால் செக்ஸ். மேல் நோக்கி நகர்ந்தால் யோகம். மனிதனில் இருக்கும் ஒரே சக்தி காமசக்தி என்பதால் அவன் படைத்தே ஆக வேண்டும். படைத்தலுக்கான வழி செக்ஸ். தீராத‌ செக்ஸ் கோரிக்கைகள் கொண்டவன் அல்லது செக்ஸில் ஓரளவு செலவழிந்தும் முழுமையாக செலவழியாத அத்தனை காமசக்தி கொண்டவனுக்கே படைப்பாற்றல் உண்டு. ஸ்தூலமாக படைத்து காட்டும் அளவுக்கு போதுமான காமசக்தி உள்ளவன் க்ரியேட் செய்கிறான். சாம்ராஜ்ஜியங்களை, அணைகளை. போதுமான சக்தியற்றவன் பேசுபவன் / எழுதுபவன் ஆகிறான். ஒய்.எஸ்.ஆர் அணைகளை கட்டினார். எங்க தந்திரபாபு கிராஃபிக்ஸ் வச்சு சினிமா காட்டறாரு (3 வருசமா). கோக்கு மாக்காக எழுதி / பேசித் தொலைத்தால் வாயில் வெட்டி விடுகிறார்கள். தின்னி பண்டாரங்கள் கூட இதே கேஸ் தான்.

ஓரல் செக்ஸ் / குத புணர்ச்சி எல்லாம் சுற்றுவழி. இன உறுப்பில் அதிர்வுகள் வேண்டும் என்றால் காரியத்தில் இறங்க வேண்டியது தானே. அதுவும் நேர் வழியில். பாஜக தமிழகத்தில் செய்வது போல் குத புணர்ச்சி ஏன்? பிஸ் பிஸ் ரகங்கள் செய்வது போல் ஹேவிளம்புவது ஏன்?

வள்ளுவர் நா காக்க என்றது பேச்சு – தீனி இரண்டையும் மனதில் வைத்துதானே? இதை பின்பற்றினால் ஆயுள் கூடும். குறைந்த பட்சம் அல்ப்பாயுசுல போயிர மாட்டம்.

ஆறில் இருந்து அறுபது வரை :ஆறாம் பாவம்

ஆறாம் பாவம் :

சத்ரு – ரோக – ருண உபாதைகளை காட்டும் பாவம்.

பாக்–சீனா இமிசை இல்லின்னா நம்ம மிலிட்டரி பட்ஜெட்டை 25 சதவீதமா குறைச்சு எப்பமோ உருப்பட்டிருப்போம். முடியல தானே? தமிழ்நாடு போலவே அனைத்து மாநிலங்களும் பொது மருத்துவத்தின் மீது கவனம் செலுத்தியிருந்தால்? நாட்ல உள்ள ஹீலர்கள் / போலி டாக்டர்களை எல்லாம் உள்ள வச்சிருந்தா? சகட்டுமேனிக்கு கடன் வாங்கி, கடனுக்கான வட்டி மீதான வட்டிக்கு வட்டி கட்டவே மேஜர் ஷேர் ஆஃப் பட்ஜெட் நாசமாகாம இருந்தா இந்தியா எப்பமோ வல்லரசாகியிருக்கும் தானே?

நம்ம திருப்பதி பெருமாளையே எடுத்துக்கங்க. கண்ணாலத்துக்கு கடன் வாங்கி குபேரன் கிட்டே சிக்கி தானே சனங்களோட பாடாவதி ப்ரேயரை எல்லாம் கேட்டுக் கிட்டு நிற்கிறாரு.

ஆகவே இந்த ஆறாம் பாவம்ங்கறது கெட்டு குட்டிச்சுவரா போகனும். அப்பத்தேன் மேற்படி உபாதைகள் இல்லாம நாம வாழ முடியும். அஃதாவது இங்கே எட்டுக்குடையவரோ, 12க்குடையவரோ நின்னா, சத்ரு ஜெயம், ரோக நிவர்த்தி, ருண விமுக்தி போன்ற நல்ல பலனை எல்லாம் பெற முடியும் அல்லது இந்த ரோகாதிபதி 8 அல்லது 12ல் நின்றாலும் நல்லதே.

இதர உயிருள்ள பாவங்களில் நின்னா / உயிருள்ள பாவாதிபதிகளோட சேர்ந்தா அந்த பாவம் தொடர்பான மனிதர்களுக்கு நோய் பாதிப்புகள் ஏற்படும் அல்லது ஜாதகருக்கு அவர்களுடன் கருத்து வேறுபாடுகள், விரோதங்கள் வரலாம்.

உ.ம் ஆறுக்குடையவர் நான்கில் நின்றால் தாய்.

ஆறில் இருந்து அறுபது வரை :தனபாவம்

தனபாவம் :

“பணம் பாதாளம் வரை பாயும்” இது தமிழக அரசியலில் பிரபலமான கொட்டேஷனாயிருச்சு. சொல்வலன் சோர்விலன், வாயுள்ள பிள்ளை பிழைக்கும். (நான் டிடிவியை சொல்லல). நல்லதொரு குடும்பம் பல்கலைக் கழகம், பஞ்சேந்திரியானால் நைனம் பிரதானம் (ஐம்பொறிகளில் தலையாயது கண். இதெல்லாம் நீங்க அறியாததா?

தனபாவம் என்பது உங்கள் வருவாய், வாக்குவன்மை, குடும்பம், கண்கள் ஆகியவற்றை காட்டும் பாவம். இங்கு சுபர் நின்றால் அதிகபட்ச கன்ஸ்யூமர் சர்ப்லஸ் உங்க க்ளையண்ட்ஸுக்கும், குறைவான மார்ஜின் உங்களுக்கும் கிடைக்கும். நீங்க கிடைச்ச காசை போதும்னு சொன்னாலும் பரவால்ல வச்சுக்கங்கனு கூடுதலா கொடுப்பாங்க.

இங்கு நின்ற கிரகம் யாவும் ஏழாம் பார்வையாய் எட்டையும் பார்க்கும். இங்கு சுபகிரகம் நின்றால் ஐசியு எல்லாம் பார்க்காம பொட்டுனு போயிரலாம்.

இங்கே பாவகிரகம் இருந்தா எதிராளி தோள்ள துண்டை போட்டு இழுத்து வசூல் செய்விங்க. உசுரும் சில காலம் இழுத்து தான் போகும்.

சுபர் நிற்பின் குடும்ப உறுப்பினர் எண்ணிக்கை கூடும். பாவர் நிற்பின் குறையும். சுபர் நிற்பின் குறைவாக பேசுவீர்கள், ஆயுள் கூடும். பாபர் நிற்பின் அதிகம் பேசுவீர்கள், ஆயுள் குறையும்.

சுபர் நிற்பின் குடும்பத்தினர் வாலன்டியரா கோ-ஆப்பரேட் பண்ணுவாங்க. பாபர் நிற்பின் மிரட்டி, உருட்டி வேலைய சாதிக்கனும்.

ஆறில் இருந்து அறுபது வரை : லக்னாதிபதி 8 ல் &லக்னாதிபதி 12 ல்

லக்னாதிபதி 8 ல் :

யோகாசனங்களில் சவாசனம் என்று ஒன்றுண்டு. அதை அறிந்து செய்து வரவும். நான் அறிந்த சவாசனம் - பிணத்தை கிடத்துவது போல் நெடுஞ்சாண் கிடையாக படுத்துக் கொள்ளவும். கால் கட்டை விரல்கள் ஒன்றை ஒன்று தொட வேண்டும். கைகள்? வயிற்றின் மீது, பார்வை? கூரை மீது அல்லாது மூக்கு நுனி மீது. இதுவரை வாழ்ந்து முடிந்த முன்னோர்களின் வாழ்க்கை கதைகளை எல்லாம் மனக்கண் முன் கொண்டு வர வேண்டும். (இதுக்கு நீங்க இவற்றை சேகரிக்கனுமில்லையா? ஆகவே பெரியவிகள விஜாரிச்சு டேட்டா பேஸ் தயாரிங்க).

லக்னாதிபதி 12 ல் :

சேல்ஸ் லைனை பிடிங்க அல்லது பயணங்களுக்கு அதிக வாய்ப்புள்ள வேலை / துறை. விரயாதிபதி அல்லது விரயத்தில் நின்ற கிரகங்கள் தொடர்பான நிறத்தில் pillow cover, bedspread, night lamp, Dining table cover, தட்டு இருக்குமாறு ப்ளான் பண்ணிக்கங்க.

பொது : மேற்சொன்ன 3 பிரிவினரும் “இருக்கிற இடம் தெரியாம இருந்துக்கிட்டா“  நோ ப்ராப்ளம்.

ஆறில் இருந்து அறுபது வரை : லக்னாதிபதி 6 ல்

லக்னாதிபதி 6 ல் :

வாழ்நாள் முழுக்க சத்ரு, ரோக, ருண உபாதைகள். இதற்கு பரிகாரம், ஒரே சப்ஜெக்டை எடுத்துக்கிட்டு பாசிட்டிவா ஒரு பக்கம், நெகட்டிவா ஒரு பக்கம் எழுதிப் பாருங்க.

உ.ம் வரதட்சிணை நல்லது / வரதட்சிணை நல்லதல்ல.

நம் நாட்கள் காலையில் டீ / காபியில் துவங்கி இரவு பாலில் முடிகின்றன. எனவே, பால் கடனுக்கு / அக்கவுண்ட்ல / கடன் வாங்கிய காசில் வாங்கவும். குடும்பத்தோடு டிவியில் வரும் விவாத நிகழ்ச்சிகள் பார்க்கவும். நகராட்சி, மாநகராட்சி பகுதியளவிலான பிரச்சினைகளை ஏதேனும் புனைப் பெயருடன் லெட்டர் டு எடிட்டர் பகுதிக்கு எழுதி வரவும். எப்போதும் புனைப் பெயருக்கு சொந்தம் கொண்டாடாதீர்கள் அல்லது ஃபேக் ஐடி வச்சுக்கிட்டு சமூக ஊடகங்களில். வீட்டைத் தேடி ஆட்டோ வர அளவுக்கெல்லாம் போயிராதிங்ணா.

ஆறில் இருந்து அறுபது வரை : ராகு / கேதுக்கள் நின்ற பலன்

ராகு / கேதுக்கள் நின்ற பலன் :

ஜாதக சக்கரத்துல உசுருள்ள இடங்கள்னா தெரியுமா?

1-3-4-5-6-7-9-11 இதெல்லாம் உசுருள்ள இடங்கள்

1 - நீங்க

3 - இளைய சகோதரம்

4 - தாய்

5 - குழந்தைங்க

6 - தாய்மாமன்

7 - மனைவி

9 - அப்பா

11- மூத்த சகோதரம்

(இந்த பட்டியலை உள்வாங்கிருங்க. ஏன்னா இதே நூலின் பல அத்தியாயங்களில் இது பிரஸ்தாபிக்கப்பட இருக்கிறது)

இந்த ராகு / கேதுக்கள் மேற்கண்ட உசுருள்ள இடங்களில் இருந்தால் அவிகள (லக்னத்துல இருந்தா உங்களை – இதர இடங்களில் இருந்தா அந்த பாவ காரக நபரை) என்ன பண்ணுவாய்ங்க?

ராகு இருந்தா உருக்குவார். இல்லை ஊளைச் சதையாக்கிருவாரு. எல்லாமே மூடு மந்திரமா இருக்கும். பகல்ல தூங்கி வழிவாய்ங்க. ராத்திரில செம ஷார்ப் ஆயிருவாய்ங்க (பலான அர்த்தம்லாம் இல்லை). மேலை நாட்டு பண்பாடு, பழக்கவழக்கங்களை ஆதரிப்பாய்ங்க. சொந்த இனம், மதம், மொழி, சாதியினரோடு – ஏன் குடும்பத்தாரோடு கூட ஒட்டுதல் இருக்காது.

எந்த வேலையா இருந்தாலும் ஊரு நாட்ல எவனும் செய்யாத மாடல்ல செய்ய நினைப்பாய்ங்க. ராகு பலம் இருந்தா கொஞ்ச காலம் சமூகத்தால அவதிப்பட்டாலும் அதே சமூகத்தால அங்கீகரிக்கப்படுவாய்ங்க. லைஃபே ஒரு கேம்ப்ளிங் மாதிரி இருக்கும். நைட் ஷிஃப்ட் வேலையில இருக்கலாம். வெளிநாட்ல இருக்கலாம். ஈசி மணி மேல கவர்ச்சி சட்டவிரோத செயல்கள், சதி செய்யலாம். சதிக்கு பலியாகலாம்.

மேற்படி உசுருள்ள இடங்கள்ள கேது இருந்தா சம்பந்தப்பட்டவரை சாமியார் / சாமியாரிணி ஆக்கிருவாரு. நம்ம ஜாதகத்துல நாலாமிடத்துல இருந்தாரு. நாம டீன் ஏஜ்ல என்டர் ஆகற வரைக்கும் அப்பா ஜில்லா ஜில்லாவா ட்ரான்ஸ்ஃபர். அம்மா நாலு பிள்ளைங்க, ஒரு மாமியாரோட அல்லாடி அல்லாடி ஜென் நிலைக்கு வந்துட்டாய்ங்க.

இந்த ராகு / கேது ரெண்டு பேருமே உசுருள்ள இடத்துல இருந்தா சம்பந்தப்பட்டவுகளுக்கு வைத்திய சாஸ்திரத்துக்கு பிடிபடாத நோய்குறிகளையும், உபாதைகளையும் கொடுப்பாய்ங்க. வீக்கம் / முறையற்ற வளர்ச்சி இனம் புரியாத பலகீனத்தைக் கொடுப்பாங்க.

ராகு லக்னத்துல இருந்தாலும் 7ல இருந்தாலும் ஒரே பலனானு கேப்பிக. ராகுவோ, கேதுவோ லக்னத்துல இருந்தா ஏழைப் பார்ப்பாங்க. ஏழுல இருந்தா லக்னத்தை பார்ப்பாங்க. இவர் அவரை பார்ப்பாரு, அவரை இவரு பார்ப்பாரு. சதா சர்வ காலம் ஒருத்தருக்கொருத்தர் சம சப்தத்துல, அதாவது 180 டிகிரியிலேயே இருக்கிற பார்ட்டிங்க. ராகுவுக்கும் கேதுவுக்கும் உள்ள வித்தியாசத்தை ஒரே வார்த்தையில சொன்னா ராகு உசுருள்ள இடத்துல இருந்தா அந்த கேரக்டரை

1. சூதாடியாவோ அல்லது வாழ்க்கையையே ஒரு சூதாட்டமா மாத்திக்கிறவராவோ

2. ஆல்கஹாலிக்காவோ

3. பேஷண்டாவோ

(பாடியில பாய்சன் அல்லது ஃபாரின் பாடிஸ் அல்லது ஒத்துப்போகாத மெடிசின் பெரிய புரட்சிய வெடிக்கச் செய்யும்)

4. உருப்படாத ஆசாமியாவோ

(அதாவது மக்கள் பார்வையில ஜாதகர் என்னமோ சின்சியரா ஒர்க் அவுட் பண்ணிக்கிட்டே தான் இருப்பாரு)

5. ஈசி மணிக்காக மெனக்கெடுபவராவோ மாத்திருவாரு அல்லது அப்படி ஒரு தோற்றம் சமுதாயத்துல ஏற்பட்டுரும். இவரோட இன்டராக்ட் ஆகும் சனம் இப்படியாக்கொத்த கிராக்கிகளா இருப்பாங்க.

இதுவே உசுருள்ள இடத்துல கேது இருந்தா அந்த பார்ட்டிய பிச்சைக்காரரா மாத்திருவாரு அல்லது சன்யாசி ஆக்கிருவாரு. (உ.ம் 9 ஆம் பாவத்துல இருந்தா அப்பாவ)

ஒரு ஜாதகத்துல ராகு / கேது கெட்டாலே நாஸ்தி தான். இது பாடி, மைண்ட், வே ஆஃப் திங்கிங், டெசிஷன் மேக்கிங், இன்டராக்சன், கொடுக்கல் வாங்கல், மோட் ஆஃப் லிவிங் இப்படி எல்லாத்தையும் நாறடிச்சுரும். இப்ப கொஞ்சம் டீட்டெய்லா பார்ப்பம்.

ஆறில் இருந்து அறுபது வரை :ராகு கேதுக்கள் பலமும் -பலவீனமும்

குறிப்பு :

ராகு / கேது பலம் உடையவர்களிடமும் இந்த இயல்பு இருந்தாலும் ராப்போதுகளில் புதுமையான – உருப்படியான -சட்டத்துக்குட்பட்ட செயல்களில் ஈடுபடுவர். ஆனால், சர்ப்பதோஷர்கள் சதி திட்டங்கள் தீட்டுவதும் - சட்ட விரோத செயல்கள் குறித்து சிந்திப்பதுமாய் இருக்கலாம். கள்ள உறவு கேஸ்களில் மெஜாரிட்டியினர் சர்ப்பதோஷர்களாக இருப்பதற்கும் இதுவே காரணம்.

பரிணாம சித்தாந்தத்தை கண்ட டார்வின் மனிதன் குரங்கிலிருந்து வந்தான் என்று மட்டும் சொல்லவில்லை. நீரில் தோன்றிய முதல் உயிரில் இருந்து அனைத்து ஜீவ ராசிகளின் கல்யாண குணங்களும் மனிதனில் இருப்பதாய் சொல்லி இருக்கிறார்.

சில வகை பாம்புகள் புணர்வுக்கு பிறகு பெண் பாம்பின் புழையில் ஒரு வித சுரப்பைச் செலுத்தி சீல் இடும் என்று படித்திருக்கிறேன். இதை சட்டப்படியான மனைவி படி தாண்டினாள் என்று போட்டு தள்ளுவோரைக் காட்டிலும் கள்ள காதலி கைமாறினாள் என்று போடுவோரும் / கள்ளக்காதலியின் கணவனை போடுவோருமே அதிகம் என்ற செய்தியோடு இணைத்துப் பாருங்கள். சர்ப்பதோஷர்களுக்கு இந்த "சீல்" இடும் மனோதத்துவம் இருக்கலாம் என்று தோன்றுகிறதல்லவா? ஸ்தூலமாய் முடியாததை அவர்கள் மனம் "கட்டுப்பாடுகள்" மூலம் செயல்படுத்துகிறது போலும்.

கறையான் புற்றில் பாம்பு குடியேறுவது போல் இவர்கள் இதரரின் திறமை – உழைப்பு - இயக்கங்களை கைப்பற்றலாம். அதே சமயம் ராகு / கேது பலமுடையவர்கள் ஆதர்ச புருஷர்களின் ஆதர்சங்களை மற்றொரு தளத்துக்கு கொண்டு செல்வார்கள்.

இப்படி ராகு / கேதுக்களின் காரகம் என்பது ஜீன்களில் துவங்கி பல அம்சங்களுக்கு விரிகிறது.

ஆறில் இருந்து அறுபது வரை : ராகு / கேதுக்களும் சர்ப்பங்களும்

ராகு / கேதுக்களும் சர்ப்பங்களும் :

ஒரு குழந்தையின் ஜாதகத்தில் ராகு / கேது கெட்டிருந்தால், அது சமூகத்தை / சகாக்களை பாம்பாக பார்க்கிறது. சமூகம், அதை பாம்பாக பார்க்கிறது.

பாம்புகளுக்கு சிறுநீர் - மலம் - விந்து மூன்றும் ஒரே புழை வழியே வெளியேறும். இதற்கு க்ளோயகா என்று பெயர். எனவே சர்ப்பதோஷம் உள்ளவர்களுக்கு சிறுநீரில் விந்து வெளியேறுதல் - மலம் கழிக்க முக்கும் போது ஸ்கலிதமாதல் இத்யாதி நடக்கலாம்.

பாம்பு இரையை அப்படியே விழுங்கும். இதை போல் சர்ப்பதோஷர்களுக்கும் இந்த வழக்கம் இருக்கலாம். இது அஜீரணம் முதற்கொண்டு பயோகெமிஸ்ட்ரியே மாறுவது வரை கூட போகலாம். இப்படி மெல்லாமல் விழுங்குவதால் வயிற்று பகுதிக்கு அதிக அளவு ரத்தம் பாய - உண்ட மயக்கம் ஏற்படலாம். இதனால் அவர்களது வேலை - ஆட்டிட்யூட் எல்லாமே பாதிக்கும்.

பாம்பு பகை என்பது விட்டலாச்சார்யா - ராமநாராயணன் படங்களை ஞாபகப்படுத்தினாலும் சர்ப்பதோஷர்களுக்கு இந்த ஊமை பகை - நாட்பட்ட பகை இருப்பதை நானே கண்டிருக்கிறேன்.

பாம்பு நம்மை கொத்துவதும் - பாம்பை நாம் அடிப்பதும் பயத்தின் காரணமாகவே. நாய்கள் பயப்படுபவர்களை மட்டும் கடிக்க காரணம், அச்சமயம் வியர்வை வாசத்தை வைத்தே. இதே லாஜிக் தான் பாம்புகள் விஷயத்திலும் வேலை செய்கிறது. சர்ப்பதோஷர்கள் பாம்புக்கு அஞ்சுவார்கள் (சப்-கான்ஷியல் இன்ஸ்டிங்ட் ப்ளஸ் சர்வைவல் இன்ஸ்டிங்ட் காரணமாக). இவர்களது வசிப்பிடமும் - வேலை பார்க்குமிடமும் பாம்பு நடமாட்டத்துக்கு வாய்ப்புள்ளதாகவே அமையும். எனவே, இவர்கள் மனதில் அச்சம் - அச்சத்தால் வியர்வை - வியர்வையில் பிரத்யேக வாசம் காரணமாக பாம்புகள் இவர்களை கொத்தலாம்.

பாம்புகளின் புணர்வு என்பது நீண்ட நேரம் நிகழும் ஒன்று. இதை சர்ப்பதோஷர்கள் முயற்சிக்கலாம். ஆனால், மேற்சொன்ன க்ளோயகா எஃபெக்டால் அது அசாத்தியமாகி மீண்டும் மீண்டும் முயற்சிக்க முயன்று நிம்ஃபோக்களாக மாறலாம்.

பாம்புகள் இரவுகளில் சஞ்சரிப்பவை. மனிதர்களிடம் இருந்து தம்மை ஒளித்துக் கொண்டு வாழும். இதே போல் சர்ப்பதோஷர்கள் பகலில் உறக்க கலக்கம் - மந்தத்தன்மையுடன் இருப்பதையும் இரவுகளில் அதீத உற்சாகத்துடன் இயங்குவதையும் நானே பார்த்துள்ளேன்.

ஆறில் இருந்து அறுபது வரை : ராகு - கேதுக்கள்

ராகு - கேதுக்கள்

ஆறில் இருந்து அறுபது வரை என்பது ஒரு வசதிக்காக – எளிமைப்படுத்தலுக்காக வைக்கப்பட்ட தலைப்பு தான். உண்மையில் தந்தையிடமிருந்து உயிரணு விடுபட்டு - தாயின் முட்டை கருவை துளைத்த கணம் முதலே கிரகங்கள் தம் பாதிப்பை துவக்கி விடுகின்றன. தந்தையின் உயிரணுவின் மீதும் – தாயின் முட்டைக்கரு மீதும் அவரவர் ஜாதகங்களிலான கிரகங்கள் ஏற்கனவே தம் தாக்கத்தை செலுத்தியிருக்கும் என்று சொல்லவும் வேண்டுமா என்ன?

கிரகங்களை பட்டியலிட சொன்னால் ஒரு ஜோதிடர் சூரியன் – சந்திரன் – செவ் – ராகு – குரு – சனி – புதன் – கேது -சுக்கிரன் என்று தான் பட்டியலிடுவார். காரணம் தசைகள் இந்த வரிசையில் தான் வருகின்றன. ஆனால் நான் ராகு - கேதுவில் இருந்து இந்த நூலை துவங்குகிறேன். ஏன் இப்படி என்று போகப் போக புரிந்து கொள்வீர்கள்.

ராகு - கேதுக்களின் இருப்பை வைத்து நாகதோஷம் / சர்ப்பதோஷம் உள்ளதா என்று தானே கணிக்க முடியும். இதெல்லாம் திருமண சமயத்தில் தானே பார்ப்பார்கள் என்ற எண்ணம் எழுகிறதல்லவா?

ராகுவின் பிரதான காரகம் “பிதாமஹ காரகன்”. கேதுவின் பிரதான காரகம் “மாதாமஹ காரகன்”. அதாவது, ராகு - தந்தைவழி தாத்தா / பாட்டியையும்; கேது - தாய்வழி தாத்தா / பாட்டியையும் குறிப்பவர்களாவர்.

மேற்படி தாத்தா / பாட்டிகளின் நல்ல அம்சங்கள் (மரபியல் கூறுகள்) குழந்தைக்கு வர வேண்டும் என்றால் அதன் ஜாதகத்தில் ராகு - கேதுக்கள் நல்ல இடத்தில் அமைந்திருக்க வேண்டும். கருவிலே திரு என்றால் இது தானே? விஞ்ஞான பூர்வமாய் சொன்னால் பாசிட்டிவ் ஜெனட்டிக் ஃபீச்சர்ஸ் குழந்தைக்கு வர ராகு - கேது பலம் அவசியம்.

குழந்தையின் பெற்றோர்கள் என்னமோ 32 லட்சணங்களும் பொருந்தியவர்களாய் இருந்தாலும் விதையும் – நிலமும் அமோகமாய் இருந்தாலும் குழந்தை உருப்படாமல் போக அதன் ஜாதகத்தில் ராகு – கேது கெட்டிருந்தால் போதும்.

பொது விதிப்படி ராகு – கேதுக்கள் 3-4-6-10-11-12 பாவங்களில் நின்றால் தோஷமில்லை. நல்லது. ராகு – கேதுக்கள் ஒருவருக்கொருவர் எப்போதும் சம சப்தகத்தில் இருப்பார்கள். அதாவது ஒருவருக்கொருவர் 7ஆம் இடத்தில் இருப்பார்கள். இதன்படி ராகு 3ல் இருந்தால் கேது ஒன்பதில் இருப்பார். மூன்றில் உள்ள ராகு மனோ தைரியத்தை தருவார். இது நல்லதே. ஆனால் ஒன்பதில் உள்ள கேது அப்பாவை சாமியாராக / பிச்சைக்காரராக்கி விடுவாரே?

ஆறில் உள்ள ராகு சத்ரு ஜெயம் - ரோக நிவர்த்தி - ருண விமுக்தி போன்ற நல்ல பலனை தந்தாலும் 12ல் உள்ள கேது தூக்கம் - தாம்பத்யம் இத்யாதியில் வில்லங்கம் செய்வாரே?

10ல் உள்ள ராகு புதுமை பித்தனாக்கி - தொழிலில் கொடிகட்டி பறக்க விட்டாலும் நாலில் உள்ள கேது தாய்க்கு நலிவை தருவாரே.

11ல் உள்ள ராகு சினிமா லாட்டரி - வைன்ஸ் போன்ற தன் காரகங்களில் ஹிட் அடிக்க வைத்தாலும் ஐந்தில் உள்ள கேது அவமானம் – மறதி - புத்தி குழப்பம் போன்ற தீய பலனை தந்து விடுவாரே?

ராகு - கேதுக்கள் எங்கெல்லாம் இருந்தால் நல்லது என்று சொல்லப்பட்டுள்ளதோ அங்கு அவை இருந்தால் இத்தனை பிரச்சினை வரும் எனும் போது இங்கே ராகு - கேதுக்கள் இருந்தால் நல்லது என்று ஏன் சொல்லப்பட்டுள்ளது?

ராகு - கேதுக்கள் மேற்படி பாவங்களில் நிற்பதால் உலகியல் ரீதியாக மேற்சொன்ன தீய பலன் விளைந்தாலும் தாய் / தந்தைவழி - தாத்தா / பாட்டிகளின் நல்ல அம்சங்கள் குழந்தைக்கு வருவதை அவர்கள் அனுபவத்தில் கண்டிருக்க வேண்டும்.

ராகு - கேதுக்களை தாய் / தந்தைவழி – தாத்தா / பாட்டிகளின் நல்ல அம்சங்களை கொண்டு வரும் தூதர்கள் என்ற கோணத்தில் இப்போது பார்ப்போம்.

பணமிருக்கிற நேரம் எல்லாம் நல்ல நேரம்

ஒவ்வொரு ஜாதகத்துக்கும் ஒவ்வொரு நேரமுண்டு. அதை எழுத ஒரு நேரம், பார்க்க ஒரு நேரம், பலன் எழுத ஒரு நேரம், அதை அனுப்ப ஒரு நேரம், அனுப்பியதை படிக்க ஒரு நேரம் உண்டு. விஷயம் புரியாதவர்கள் தாங்கள் விரும்பிய நேரத்தில் ஜோதிடர் தங்கள் வீட்டுக்கே வரவேண்டும். உடனே பலனை சொல்லிவிடவேண்டும் என்று விரும்புகிறார்கள். எல்லா தொழிலிலும் தம் தொழில் மீதே நம்பிக்கை இல்லாதவர்கள் இருப்பதை போல் ஜோதிடர்களிலும் சிலர் அப்படி இருக்கிறார்கள்.

ஆனால் என்னை பொருத்தவரை நான் ஜோதிடத்தை நம்புகிறேன். நான் வாணியம்பாடி யுனானி டாக்டரான  டாக்டர்(?)   அக்பர் கவுசர் அல்லன்.  அவர் தமக்க்  உடல் நலம் பாதித்தவுடன் வேலூர் சி.எம்.சியில் போய் அட்மிட் ஆகிவிட்டார்.

எந்த ஜோதிடரானாலும் சரி நீங்கள் கொஞ்சம் நெருங்கி பழக ஆரம்பித்துவிட்ட பிறகு , நீங்கள் அவரை அடிக்கடி ஜோதிட ஆலோசனைக்காக அணுகினால் ஒரு புள்ளியில் " என்னா கிரகம் ! என்னா ஜோசியங்க பணமிருக்கிற நேரம் எல்லாம் நல்ல நேரம் " என்று கூறாவிட்டால்  என் பெயரை மாற்றிக்கொள்கிறேன்.

இதற்கு காரணம் என்னவென்றால் இன்றுள்ள ஜோசியர்களின் ஜோதிட ஞானமெல்லாம் டப்பா பால் மாதிரி ( அதாவது மூல நூலைஅரை குறையாய்  படித்துவிட்டு அரைவேக்காட்டுத்தனமாய் எவனோ எழுதியவற்றை அரைகுறையாய் படித்து பீலா விடுபவர்கள்தான்.

மூல நூலை படித்தவர்களுக்கு கூட அதில் என்ன சொல்லப்பட்டிருக்கிறது என்பது தெரியுமே தவிர. அவ்வாறு சொல்லப்பட்டிருப்பதற்கு காரணம் என்ன அடிப்படை என்ன என்பது தெரியாது. காரணம் பேசிக்கலாய் இவர்களுக்கு ஆர்வமில்லை. ஆர்வமிருந்தாலும் அது தாகமாய் மாறவில்லை.

செவ்வாய் தோஷம் என்றால் என்ன ? (கிரக நிலையல்ல அதன் சிம்ப்டம்ஸ், அதனால் வரும் பிரச்சினைகள் என்ன )  என்று  யாரையாவது கூறச்சொல்லுங்கள் பார்ப்போம். இதை கூட யாராவது சொல்லிவிடலாம் . ( நான் ஒருவனே புலி என்று மதிமயங்கும் மூடன் நானல்லன்) அந்த சிம்ப்டம்ஸ் ,பிரச்சினைகள் வர செவ்வாய் என்ன விதமாக வேலை செய்கிறார் என்று சொல்லச்சொல்லுங்கள். அதற்கு உண்மையான பரிகாரம் என்னவென்று சொல்லச்சொலுங்கள் பே பே.

சரி எனக்கு ஜோதிடத்தின் மீது எப்படி ஆர்வம் ஏற்பட்டது ? அது தாகமாக எப்படி மாறியது ? நான் எப்படி ஜோதிடம் கற்றேன். மூல நூல்களை முழுமையாக படிக்காமலே அவற்றில் சொல்லப்பட்ட  கிரக பலன் களின் அடிப்படையை, பரிகாரங்களின் உட்பொருளை உணர்ந்தது எப்படி ? மேற்படி பரிகாரங்கள் சில  நேரங்களில் என்ன பல நேரங்களில் பலன் தராது போக காரணம் என்ன என்பதை எப்படி அறிந்தேன். இதற்கு மாற்றாக நவீன பரிகாரங்களை எப்படி வடிவமைத்தேன் ? இந்த விசயங்களையெல்லாம் ஒரு தொடர்பதிவு போட உத்தேசம்.


தங்கள் கருத்தை மறுமொழி வாயிலாக தெரிவிக்க கோருகிறேன்.