எந்திரன் : சங்கருக்கு ஹேட்ஸ் ஆஃப்!

எந்திரனை பத்தி ( ஃபர்ஸ்ட் ஹாஃப் மட்டும் தேன்)  நான் எழுதின பதிவை பார்த்து ஒருத்தர் மனசு நொந்து போய்  நீ படம் எடுப்பா நாங்க பார்த்துட்டு விமர்சனம் பண்றோம்னுட்டார். இன்னொருத்தர் ஏன் இந்த கொலைவெறினு கேட்டிருந்தாரு. எல்லாரும் ஒரு விஷயத்தை மறந்துர்ராய்ங்க. அட நானும் ஒரு காலத்துல ரஜினி ரசிகன் தான்யா. ரஜினிக்கிருந்த மதிமயக்கத்தை எந்திரன் மூலமா தெளியவச்ச சங்கருக்கு ஹேட்ஸ் ஆஃப் சொல்லலின்னா எப்படி?

ஒன் மேன் ஷோவா கொடுத்துக்கிட்டிருந்த  ரஜினி எந்த கட்டத்துலருந்து பக்க பலத்துக்கு ஆசைப்பட ஆரம்பிச்சாருனு கரீட்டா சொல்ல முடியலைன்னாலும் ரத,கஜ,துரக,பதாதிகள்ம்பாய்ங்களே அந்த மாதிரி மாறிட்டார். சரி ஓஞ்சு போவட்டும். பக்க பலங்கறது பக்கமா இருக்கனுமே தவிர .. நம்மையே "சற்றே தள்ளியிரும் பிள்ளாய்"ங்கற கதையா போச்சுன்னா தாளி அந்த பக்கபலமே தேவையில்லாத மேட்டர்.

மொத்தத்துல சங்கருக்கு  ரஜினி மேல இன்னா விரோதம்டானு ரோசிச்சு ரோசிச்சு மண்டை காஞ்சு போச்சு. பின்னே என்ன பாஸ் ரஜினிய வடிவேலு ரேஞ்சுக்கு கொண்டுட்டு வந்துட்டாப்ல .. சிட்டி ஐஸ்வர்யா கிட்டே பேசற அசோக வனம் டயலாக் அப்படியே அச்சு அசலா வடிவேலு.  சிட்டி முகத்தை பார்த்து ஐஸ்வர்யா மயங்கி விழற பிட்டு அப்படியே " நாய் சேகர்"

சங்கருக்கு அப்படி இன்னா தான் கோவமோ  பாவம் ரஜினியை போட்டு கைமா பண்ணிக்கிறிராரு.

கண்ண நோண்டிர்ராய்ங்க (எத்தீனி தாட்டி - யப்பாஆஆஆஆஆ) , முகத்தை உடைக்கிறாய்ங்க- ஆசிட் அடிக்கிறாய்ங்க- ரஜினிய வில்லனாக்கியிருக்காரு (சிவாஜி வாசனை அடிக்குது குப்புனு) - அடியாளாக்கியிருக்காரு - எலும்பு கூடாக்கியிருக்காரு, அக்கக்கா வெட்டி ப்போட  விட்டிருக்காரு, குப்பை தொட்டிக்கு அனுப்பியிருக்காரு.. விட்டலாச்சாரியா படத்துல நரசிம்மராஜு ரேஞ்சுக்கு கொண்டுட்டு வந்துட்டாரு, ஹீரோயின் மேல எவனோ கைய வச்சா போலீஸ் போலீஸுக்கு ஃபோன் பண்ணிருவேன்னு சொல்ல வச்சிருக்காரு.. ஐஸ்வரியாவை கிட்னாப் பண்ணீட்டு போற சீக்வென்ஸ்ல சிட்டி அப்படியே தசாவாதரம் படத்துல வில்லன் கமலோட ஃபோஸை கொடுக்க வச்சிருக்காரு ( கார் பேனட் மேலயோ டாப் மேலயோ இருந்து ஷூட் பண்ற ஷாட்) ,கொசு பிடிக்க வச்சிருக்காரு.. ஒன்னா ரெண்டா..

இத்தனைக்கு பிறகும் ரஜினி விழிச்சுக்காம இருந்தா அது ஷங்கரோட தப்பில்லே..

இத்தனை செய்தும் ஷங்கரை ( ஓகேவா) நான் கிழிக்காம இருக்க காரணம் அவர் ரஜினியை கார்ப்போரேட் கனவுகள்ள இருந்து தட்டி எழுப்பி "பர தர்மத்தை விட சுதர்மமெ பெட்டருன்னு நினைக்க வச்சிருக்கிறதுதான்.

உபரியா தன் வீட்டு கல்யாணத்துக்கு ஒரு பக்கெட் சாம்பாரை பக்கெட் தூக்க வச்சதும் ஷங்கரை நான் கிழிக்காம போக ஒரு காரணம்தான்.  யாருன்னு கரீட்டா கெஸ் பண்றவுகளுக்கு சன் க்ரூப் சானலஸ்ல  எந்திரன் விளம்பரம் வரப்பல்லாம் சேனல் பைபாஸ் ஆகட்டும்.

எந்திரன் வருகையால ஒரே லாபம் என்னடான்னா இன்னம் அஞ்சு வருஷத்துக்காச்சும் கிட்னி இருக்கிற  எவனும் கிராஃபிக்ஸ் பக்கம் போகமாட்டான். (வீடியோ கேம்ஸ் பார்க்கிறாப்லயே கீது குரூ!) சன் பிக்சர்ஸ் பக்கம் தலை வச்சும் படுக்கமாட்டான்.

அந்த வகையில ஷங்கருக்கு ஹேட்ஸ் ஆஃப்..

எந்திரன் வாலியோட உல்ட்டா

எந்திரா நீ எந்திர்ரான்னுட்டாய்ங்கனு கேள்வி ! மொத நாளு டிக்கெட் விலையை இஷ்டத்துக்கு உசத்தி ஆட்டைய போட்டாலும் மறு நாள் சனம் நெருங்கலியாம். மேனேஜருங்க கேட்டுக்கு வெளிய நின்னு அதிக விலை இல்லிங்க அசல் விலைதான்னு கூப்டு கூப்டு டிக்கெட் கொடுத்ததா டோண்டு ராகவனே சொல்லியிருந்தாரு.

நானும் ஒரு காலத்துல ரஜினி ரசிகன் தான். ஆனால் மிஸ்டர் பாரத்ல டீப்பாய்க்கு காங்கிரஸ் பார்டர் பார்த்ததுலயே விட்டுப்போச்சு. மேலும் எந்திரனுக்கு சுஜாதா கதைன்னவுடனே ஆசை செத்துப்போச்சு. சுஜாதா சினிமாவுக்குனு புதுசா கதை எழுதினதே கிடையாது. அதுவும் ரஜினிக்கின்னா ப்ர்ர்ர்ர்ர்ர். அனிதாவின் காதல்களை சிவாஜிக்கு கதையா எழுதி கதை பண்ண பார்ட்டி அவரு.

சங்கர்ங்கற பிரமிப்பும் நமக்கு கிடையாது. தெலுங்குல அந்த காலத்துலயே ராகவேந்திரராவ் டைரக்சனை எல்லாம் பாத்தவன் நானு ( இவர் யாரு தெரியுமா? வசந்த மாளிகை எடுத்த கே.எஸ்.பிரகாஷ்ராவோட மகன்) நாட் நாட் காலத்துலயே பாட்டு சீன்ல லோட் லோடா சீனி பழம்லாம் கொட்டினவரு.

ஏ.ஆர் ரஹ்மானுங்கறிங்களா வயசு 43 ( நமக்கு) ஸோ நமக்கு எந்திரன்னா உதறல் கதறல் எல்லாம் கிடையாது. ஸோ க்ளீன் ஸ்லேட்டா படம் பார்த்தேன். இப்போ படத்தை பத்தின என் கருத்துக்கள்.

கதை:
எந்திரனோட கதை என்னுதுனு ஆர்னிக்கா நாசர்னு ஒரு எழுத்தாளர் புகார் பண்ணியிருக்காராம். இந்த ஆளு ஒரு காலத்துல சுஜாதாவோட "ஒரே ஒரு துரோகம்" கதைய ஈயடிச்சான் காப்பி அடிச்சு கதை எழுத நான் அதை சுட்டிக்காட்ட எனக்கு லாயர் நோட்டீஸ் எல்லாம் விட்ட பார்ட்டி.

எந்திரனோட கதை எவன் தலைமேல கை வச்சாலும் அவன் பஸ்மம் ஆயிரனும்னு வரம் வாங்கிட்டு வரம் கொடுத்த சிவனார் தலை மேலயே கை வைக்கிறேனு கிளம்பின பஸ்மாசுரன் கதை தான். ஆர்னிகா நாசருக்கெல்லாம் சான்ஸே கிடையாது. சுஜாதா தமிழ் கதையையெல்லாம் உருவ மாட்டாரு (அப்படினு நினைச்சிருந்தேன் -ஆனால் அமுதவன் வேற மாதிரி சொல்ட்டாரு)

இருந்தாலும் என் சம்சயம் என்னடான்னா நாசரும் -சுஜாதாவும் ஒரே இங்கிலீஷ் சினிமாலருந்தோ - புக்லருந்தோ உருவியிருக்கலாம். இது ஒரு சான்ஸ்.

வெஜிட்டபுள் பிரியாணி;
சுருக்கமா சொன்னா சுஜாதா எழுத்துக்களத்துல தான் பயிர் பண்ண காய் கறிகளையெல்லாம் ( பல கதைகளை) போட்டு தயாரிச்ச வெஜிட்டபுள் பிரியாணி எந்திரன்

கதையிலான ஓட்டைகள்:

முதற்கண் வசீகரனுக்கு ரோபோ தயாரிக்கனும்ங்கற எண்ணம் ஏன் வந்தது? வந்தாலும் அதை ராணுவத்துக்குத்தான் கொடுக்கனுங்கற எண்ணம் ஏன் வந்தது? இதுக்கு ஒரு வலுவான அடித்தளத்தை அமைச்சிருக்கலாம்.

மொதல்ல வசீகரன் -ஐஸ்வர்யாவை லிங்க் பண்ணி ஐஸ்வர்யாவோட க்ரேண்ட் ஃபேமிலிய ( ராணுவ குடும்பங்கள்) அறிமுகப்படுத்தி அவிக சோகம், சோகத்துக்கான காரணங்களை (மரணங்களை) அவாய்ட் பண்றதுக்காக ராணுவத்துக்கு ரோபோங்கற தாட் வசீகரனுக்கு வராப்ல வச்சிருக்கலாம்.

இதை செய்யாததால ரோபோவை ராணுவத்துக்கு எடுத்துக்க வைக்கிறதுல வசீகரன் காட்டற ஆர்வம் ஒரு சேல்ஸ் ரெப் ரேஞ்சுக்கு விழுந்துருச்சு.

சிட்டி (ரோபோ ரஜினி) தனக்கிடப்படும் ஆணைகளை அதன் ஒரிஜினல் அர்த்தத்துல அமல் படுத்துற அலப்பறை எல்லாம் சினிமாவுக்கு புதுசா இருக்கலாம். அவரோட வாசகர்களுக்கு பழைய குருடி தான். இதையே சாக்கா வச்சு சிட்டி ரிஜெக்ட் ஆறது, ரோபோவுக்கு மனித உணர்வுகளை தர வசீகரன் செய்யற போராட்டம்லாம் சரிதான். ஆனால் சிட்டிக்கு உணர்வு ஏற்படற கட்டத்துல கிராஃபிக்ஸ்ல விளையாடி இருக்க வேணாமோ?

சிட்டிக்கு ஐஸ்வர்யா மேல லவ் வர்ர ட்விஸ்ட் வாலி (?) உபயம். ( ஆனா இதை வாலிக்கு முன்னாடியே சுஜாதா "வான் கண்டேன் திசை கண்டேன்"ல யூஸ் பண்ணிட்டாருனு நினைக்கிறேன். வாலியில அண்ணன் தம்பி இதுல சைன்டிஸ்ட், ரோபோ அதான் வித்யாசம்.

வசீகரன் ரோபோ தயாரிப்பு மும்முரத்துல அப்பப்போ தாடி வளர்த்துக்கிட்ட மாத்திரத்துல பார்வையாளன் இன்வால்வ் ஆயிருவானு எப்படி நினைச்சாய்ங்களோ?

இதைவிட வசீகரன் ஏழை, தாழ்த்தப்பட்டவன். கிராமத்தான், தன் குருவோட (வில்லன்) லேப்லயே சீக்ரெட்டா தயாரிக்கிறாருன்னு வச்சிருந்தா தூளா இருந்திருக்கும்.

அப்போ வசீகரன் போற சலூன் ஃபைவ் ஸ்டார் ரேஞ்சுல இருந்திருக்காது. பி,சி சென்டர்ல எல்லாம் சலூன் சீன்ல இன்வால்வ் ஆகியிருப்பாய்ங்க.

திருப்பி திருப்பி வரும் காட்சிகள்:

திருப்பி திருப்பி வரும் காட்சிகள் ரெம்ப கடுப்பேத்துது சிட்டியோட பிரதாபங்கள் சிட்டி சமைக்கிறது,அசிஸ்டண்டுகளை கலாய்க்கிறது, பிரஸ் மீட், பிரஸ் கவரேஜ், சிட்டியை ரிப்பேர் பண்றது.

கேள்வி:
பிரசவத்தை எங்கேனா லைவ் காட்டுவாய்ங்களா? ( தற்கொலை மிரட்டல் விட்ட விவசாயி ஒருத்தரை சுத்தி சுத்தி வந்து கவர் பண்ற - காலைக்கடனுக்கு ஒதுங்கறச்ச கூட - அவலத்தையெல்லாம் படமா காட்டியும் சங்கர் திருந்தலியா?)

பாத் டப்ல குளிக்கிற பெண் டப்ல உள்ள தண்ணியை தீயணைக்க உபயோகிக்க மாட்டாளோ? பாத் டப் ரேஞ்சுல உள்ள பெண்ணுக்கு ஸ்லம் பெண் மாதிரியான உணர்வுகள் இருக்குமா? ( மானம் போச்சுனு தற்கொலை) மேலும் சுய நினைவோட உள்ளவள் சிட்டியை "ஒன் மினட் உன் கோட்டை கொஞ்சம் தரயா"னு கேட்டிருக்கலாமே.

தீவிபத்துல சிக்கின சனம்லாம் ஸ்லம் மாதிரி இருக்கு .ஆனால் ஒரு பெண் மட்டும் பாத் டப்ல குளிக்குது

சிட்டி தீவிபத்துல புகுந்துவர்ர சமயம் ரஜினியோட ஃபேஸை ஏன் உபயோகிக்கலை? டெக்னிக்கல் பிரச்சினையோ? வீடியோ கேம்ஸ் மாதிரி டூ மச்சா அநாவசியத்துக்கு டெக்னாலஜிய உபயோகிக்காம ரஜினி முகத்தையே யூஸ் பண்ணீயிருக்கலாம்.

ரயில்ல நடக்கிற மோதல் கூட வீடியோ கேம்ஸ் மாதிரி டூ மச்சா கீதுபா. பேட்டரி லோ வர்ர சீனை " இறைவா உன் காலடியில் எத்தனையோ மணி விளக்கு" ரேஞ்சுல பில்டப் கொடுத்து சனத்தை தியேட்டருக்கு நாயை கூப்ட வச்சிருக்கலாம். (உச் உச்சுனு)

எல்லாம் ஓகே. திராவிட பரம்பரையில வந்த, மொதல்ல பிராமணர்களையும் பிற்காலத்தில் பிராமணீயத்தையும் (மட்டும்) எதிர்த்த திராவிட பரம்பரையில வந்த கலா நிதி மாறனோட தயாரிப்புல வந்துள்ள எந்திரன்ல இறைக்கப்பட்டிருக்கும் பிராமணீய எச்சங்கள் -

பிராமணரல்லாதோரின் உணர்வுகளை காயப்படுத்தும் ஒரு அம்சம் யார் கண்ணுலயும் பட்டதா தெரியலையே..

ஐஸ்வர்யா பரீட்சைக்கு படிக்கிறாய்ங்க. அம்மன் கோவில் திருவிழா நடக்குது. லவுட் ஸ்பீக்கர்ல ஓவர் டெசிபல்ஸ்ல பாட்டு கேட்குது (தமிழ் பாட்டுங்கண்ணா - அதுவும் எல்.ஆர் ஈஸ்வரியம்மா பாடின செல்லாத்தா செல்ல மாரியாத்தா - இன்னமும் தங்களோட வேர்களை மறக்காத சூத்திரங்களோட தேசீய கீதம்)

அம்மா புகார் பண்ணதும் ஐயா போய் ஸ்பீக்கரை ( சட்டசபை ஸ்பீக்கரை இல்லிங்கணா) அடிச்சு தூள் கிளப்பிர்ராரு. தட்டிக்கேட்கிற கோயில் கமிட்டி ஆட்களை பின்னி எடுக்கிறாரு. அம்மங்கோவில் திருவிழா நடத்துறவுக எல்லாம் இந்த கேட்டகிரிதானு சொல்ல விரும்பறாய்ங்க.

மேல் நாட்டு சங்கீதம் ஒலிச்சா அதுக்கு நாசூக்கான ட்ரீட் மெண்ட், செல்லாத்தா செல்ல மாரியாத்தா ஒலிச்சா மட்டும் நாயடியா?

தாளி இதுவாச்சும் தமிழ் பாட்டு புரியுது. அவாளோட யாகம் நடக்கிறாப்லயும், அதுல வேத கோஷங்கள் ஒலிக்கிறாப்லயும் அட்சரம் புரியாம ஐஸ்வரியா தலைய பிச்சிக்கறாப்லயும், அப்ப சிட்டி போய் அலப்பறை பண்றாப்லயும் சீன் வச்சிருக்க முடியாதா?

சூத்திரன் தானே ஊருக்கு இளைச்சவன். சூத்திரங்களுக்கு லெட்டர் டு எடிட்டர் எழுத தெரியாது, அட்லீஸ்ட் கவர்னருக்கு மனு கொடுக்க தெரியாதுங்கறதுதானே இவிக தைரியம்.

திராவிட பரம்பரை எங்கயோ போயிடுச்சுப்பா.. நெல்லாவே வெள........ங்கும்.

இதை விட சுஜாதாவோட என் இனிய இயந்திராவையே (துணிச்சலா) எடுத்திருக்கலா, அதுல நாய். இதுல ரஜினி தட்ஸால். இதுல சைன்டிஸ்ட் நல்லவரு. ரோபோ கெட்டதா மாறுது. அதுல சைன்டிஸ்ட் கெட்டவரு. ரோபோ நல்லது.

குறிப்பு:
படத்துல முதல் பாதி தான் பார்க்க முடிஞ்சது. அதுக்கே இவ்ளோ நீண்ட பதிவு

எந்திரனுக்கு எதிராக கள்ளிறக்கும் தொழிலாளிகள் போராட்டம்

அனுபவ ஜோதிடத்துல இந்த மாதிரி பதிவு தேவையான்னு கேப்பிக. என்ன பண்றது.. இப்படி எதுனா கொனஷ்டையா எழுதினாத்தான் பத்து பேர் கூடுதலா படிக்கிறாய்ங்க.
மேலும் இன்னைக்கு  உங்கள் தொழிலும் - வரக்கூடிய வியாதிகளும்னு ஒரு சூப்பர் பதிவு போட்டிருக்கேன். அதுக்கும் இந்த அறிவிப்புக்கும் சின்னதா லிங்க் இருக்கிறதால இந்த வில்லங்க பதிவு.

எந்திரன் சினிமாவில் தம்மை அவமதிக்கும்,காட்சிகள்,மற்றும் வசனங்கள் இருப்பதாக குற்றம் சாட்டி அவற்றை உடனடியாக நீக்க வேண்டும் என்று ஆந்திர கள்ளிறக்கும் தொழிலாளிகள்  சங்கம் வலியுறுத்தி உள்ளது. சன்பிக்சர்ஸ் இந்த வெட்டுக்கு ஒத்து வராவிட்டால் மானிலம் தழுவிய போராட்டம் நடத்தப்படும் என்று எச்சரித்துள்ளது.

எந்திரன் தெலுங்கில் ரோபோ என்ற பெயரில் வெளியாகி ஈயடித்துக்கொண்டிருப்பது தெரிந்ததே. பட்ட காலே படும் கெட்ட குடியே கெடும் என்பதை போல கள்ளிறக்கும் தொழிலாளிகள் சங்கம் இவ்வாறு எச்சரித்துள்ளது.

எதிர்க்கும் காட்சிகள்:

ஹீரோவை வெறுப்பேற்றி,உற்சாகப்படுத்தி தன்னை காதலுக்கும்படி செய்ய ஹீரோயின் கள்ளிறக்கும் தொழிலாளியை "ஒரு நாளைக்கு என்னை காதலி என்பதும் அவன் " நீ வெண்ணை மாதிரி இருக்கே நான் பெருச்சாளி மாதிரி இருக்கேன்" னு   சொல்லும் காட்சி.

கள்ளிறக்கும் தொழிலாளி கள்ளை தர ஹீரோயின் துப்பும் காட்சி

அவன் உப்பு கண்டம் போட்ட மீனை தர ஹீரோயின் துப்பும் காட்சி

இவை தம் தொழிலையும்,இனத்தையும் அவமதிக்கும் வகையில் உள்ளதாக மேற்படி சங்கம் குற்றம் சாட்டியுள்ளது. இந்த காட்சிகள்,வசனங்களை  நீக்காவிட்டால் மானிலம் தழுவிய போராட்டம் நடத்த உள்ளதாகவும் அறிவித்துள்ளது.