'>

Sunday, April 16, 2017

ஆன்லைன் ஜோதிட வகுப்புகள் : 22





Friday, July 29, 2016

வெட்டி ........... நித்திரைக்கு கேடு

அண்ணே வணக்கம்ணே !
வெட்டி .............. நித்திரைக்கு கேடுன்னு ஒரு சொலவடை உண்டு . இதுக்கு என்ன அருத்தம்னு அவ்வப்போது ரோசிக்கிறதுண்டு.

கர்பத்துக்கு வாய்ப்பில்லாத உடலுறவா? அல்லது பெண்ணுக்கு உச்சம் கிடைக்காத உடலுறவா? ஒரு வேளை எதையேனும் விரும்பி உறவுக்கு இடம் தர விரும்பியது கிடைக்காத உடலுறவா? ஒரு வேளை இதை சொன்னவள் பாலியல் தொழிலாளியா? கடங்காரன் எவனாச்சும் கடனை கழிச்சுட்டு போயிட்டானா? அல்லது கடன் சொல்லிட்டு போயிட்டானா?

மேற்படி உடலுறவு மட்டுமில்லை. ஒவ்வொரு வாழ்க்கையுமே வெ.ஓ தானோன்னு தோனுது .பெரியார் அவாளோட ஆதிக்கத்தை ஒழிச்சு கட்ட ஒரு அமைப்பை துவக்கறாரு .அவரோட ஸ்கூல்ல பால பாடமே கடவுள் இல்லேங்கறது.ஆனால் ஒன்றே குலம் ஒருவனே தேவன்ங்கற அண்ணா துரை அந்த அமைப்பை ஹைஜாக் பண்ணி கொண்டு போறாரு.

அண்ணா தன் அரசியல் வாழ்வில் எந்த கட்டத்திலும் தன் குடும்பத்தாரை முன்னிலை படுத்தினதில்ல.ஆனால் அந்த கட்சி கலைஞர் கைக்கு போகுது . கலைஞரை வாழும் பெரியார்னு சொம்படிக்கிறவிக அடிக்கட்டும்.ஆனால் மஞ்சள் துண்டை மீறியும் பெரியாரின் கூறுகள் அவரில் உண்டு.அது வேற சப்ஜெக்ட்.

அப்படியா கொத்த கலைஞர் தலைமையில இருக்கிற கட்சியில ஒரு பெரும்பாகத்தை எம்.ஜி.ஆர் ஹைஜாக் பண்ணிக்கிட்டு போறாரு . மூகாம்பிகை தரிசனம் ,மணியன் இத்யாதி அவா கைப்பாவையா மாறிர்ராரு.

இதை எல்லாம் மீறியும் எம்.ஜி.ஆரிடம் ஒரு வித ராபின் ஹுட் தனம் உண்டு . ஆனால் கட்சி ஆரு கைக்கு போச்சு? அக்கிரகாரத்து அம்மையார் கைக்கு போயிருச்சு.

ஆக பெரியார்,அண்ணா,கலைஞர்,எம்.ஜி.ஆரோட உழைப்பெல்லாமே வெட்டியாதானே போச்சு மத்தவிகளாச்சும் போய் சேர்ந்துட்டாய்ங்க.கலைஞரை பாருங்க.

இன்னைக்கும் செவிடர் ராஜாங்கத்து அரசவை புலவர் கணக்கா தினசரி அறிக்கை பாட்டு பாடிக்கிட்டே இருக்காரு .

தனிப்பட்ட வாழ்க்கையே வெட்டி. லட்சிய வாழ்க்கை அதை விட வெட்டி . லட்சியத்தோட அரசு அதிகாரம் சேரும்போது அது அதைவிட வெட்டி .ஆனாலும் வாழ்ந்துக்கிட்டு தானே இருக்கம்.

சுபவீ வேணம்னா கலைஞருக்கு எதுவும் சலிக்கிறதுல்ல -சலிப்பு ஏற்படாததால கலைஞருக்கு மூப்பு கிடையாதுனு அடிச்சு விடலாம்.ஆனால் கலைஞரே எத்தனையோ முறை பலான பலானவர்களோடெல்லாம் அரசியல் செய்த எனக்கு இன்று யார் யாருடனோ அரசியல் செய்யவேண்டியிருக்குன்னு புலம்பியிருக்காரு .

கழகத்தின் கதையே இதுன்னா சுதந்திர போராட்டம் பத்தில்லாம் எடுத்துக்கிட்டா மேற்படி தலைவர்களோட ஆவிகள் ரத்தக்கண்ணீர் வடிக்கும்.

இதை எல்லாம் மீறி எல்லாரும் வாழ்ந்துக்கிட்டு தானே இருக்காய்ங்க. ப்ரோக்ராம் பண்ணப்பட்ட ரோபோக்கள் மாதிரி .ஸ்மசான வைராக்கியம் -பிரசவ வைராக்கியம் எல்லாத்தையும் ஊதித்தள்ளி வாழ்க்கை எல்லாரையும் தள்ளிக்கிட்டே போகுதே .எதை நோக்கி ? மரணத்தை நோக்கியா?

இன்னம் 7 நாள் போனா நமக்கு 49 வயசு முடிஞ்சு அம்பதுல என்டர் ஆகிறம். "ஏ சரித்ர சூசினா ஏமுன்னதி கர்வ காரணம்"ங்கறாப்ல எல்லா இதயமும் ரணமாத்தான் கிடக்கு. அதை ஆளுக்கொரு குச்சி வச்சு குத்தி குடைஞ்சுக்கிட்டே தான் கிடக்கம்.

பீத்திக்கறான்யானு நீங்க சலிச்சுக்கிட்டாலும் செரி .சொல்ல வந்ததை சொல்லிர்ரன். சுய புத்தியில நம்ம ஆன்மீக வாழ்க்கையின் ஆரம்பம் 1986.அங்கே இருந்து என்னென்னமோ அனுபவங்கள் . அந்த நேரத்துக்கு கச்சா முச்சானு தோனினாலும்  ஒரு கட்டத்துல ராஜேஷ்குமார் நாவல் கணக்கா வெவ்வேறு எப்பிசோட்ல வந்த வெவ்வேறு கேரக்டர்ஸ்  பச்சக்குனு சந்திச்சுக்கிட கதை நூல் பிடிச்சாப்ல போயிருக்கிறதை உணர முடிஞ்சது .

ஆன்மீகம்ங்கறதை லௌகீக வாழ்க்கைக்கு இன்சென்டிவ் /ப்ரமோஷன்/போனஸ் வாங்கற குறுக்கு வழியா நினைக்கிற சனம் தான் நூத்துக்கு 99 சதவீதம். இவிக வேண்டுதலைனு பார்த்தா அவற்றின் மூலம் அரசுகளின் மொள்ளமாரித்தனம் தான்.

அரசுகள் மட்டும் சீரான நிர்வாகத்தை வழங்கினா மேற்படி 99 சதவீதம் பேரும் ஒழுங்கா "பொளப்பை" பார்த்துக்கிட்டு கிடப்பாய்ங்க. மிச்சம் மீதி உள்ள 1% பேரு சாதனையை (ஆன்மீக முயற்சிகள்) தொடர்வாங்க.

இது என்னடா கருமம் ரிசர்வ் பேங்க் கவர்னர் கிட்டே அஞ்சு பத்து கை மாத்து கேட்டமாதிரி சனம் கடவுளை இன்சல்ட் பண்ணுதே .இதுக்கெல்லாம் ஒரு அல்ட்டிமேட் சொல்யூஷன் கிடைச்சா நல்லாருக்குமேனு ரோசிச்சதுல கிடைச்சதுதான் தேச கனவுகள்,மானில கனவுகள், "என் தேசம் என் கனவு" இத்யாதி எல்லாம்.

இன்னைக்கு ஜாய்ன்ட் பார்லிமென்டரி கூட்டம் கூட்டி ஒரு 30 நிமிட் நமக்கு பேச வாய்ப்பு கொடுத்து 31 ஆவது நிமிட் செத்துபோறதா இருந்தாலும் பீடையே போச்சுனு விட்டுரலாம்.

மேற்படி கனவுகள்ளாம் நனவாயிட்டா மட்டும் ஆன்மீகம் தழைச்சுருமான்னா நிச்சயமா இல்லை பிறவு ஏன் இந்த மெனக்கெடல்னா.. என்னத்த சொல்ல?
நானும் ப்ரோக்ராம் பண்ண ரோபோதானா? ஷிட் .. நெவர்..எல்லா சித்தாந்தங்களும் நாலு காலையும் தூக்கிட்டா நமக்கு கை கொடுக்கிற ஒரே சித்தாந்தம் "என்னமா பொழுது போச்சு"ங்கறதுதான்.

ஜஸ்ட் 2 மணி நேர சினிமா "இழுவை"யா இருந்தாலே எப்படி கடுப்பாகுது . இந்த மாதிரி வெட்டி சாகசங்கள்ளாம் இருந்தாதானே பாஸ் ..டெம்போ வரும்.
செரிப்பா ..நீ என்னதான் சொல்லவரேன்னு கேப்பிக. சொல்றேன். இங்கே எல்லாமே வெட்டி .அதுக்காவ வெட்டியா உட்கார்ந்திருந்தா போரடிக்கும். லைஃப்ல டெம்போ இருக்காது. எல்லாம் வெட்டின்னு தெரிஞ்சே வெட்டியா எதையாச்சும் செய்யனும்.

நீங்க செய்ற வேலை  பொது  நலத்துடன் கூடியதா இருந்தாலே கூட கர்மம் தொடரத்தான் செய்யும். பிறவி சக்கரத்துல ஃபிக்ஸ் பண்ணியே தீரும்.ஆனால் சீட் பெல்ட் இருக்காது .

ஆனால் உங்க வேலை  சுய நலத்துடன் கூடியதா இருந்தா மட்டும் ஹெல்மெட்,சீட் பெல்ட் எல்லாம் கியாரண்டி .

Tuesday, July 26, 2016

'கபாலி' ஆண்டைகளின் கதை முடிக்க வந்தவனா?

அண்ணே வணக்கம்ணே !
ஒரு படத்துக்கு ரெண்டு விமர்சனமான்னு டர்ராயிராதிங்க. சத்தியமா இது விமர்சனமில்லை . விமர்சனத்தை படிக்காது தப்பித்தவர்கள் இங்கு படிக்கலாம்.

டீசர் யுகத்துல இருந்தே அதோ அம்பேத்கர் ,இதோ ஒரு குறியீடு ,அதோ ஒரு அரசியல்னு பத்த வச்சுக்கிட்டே இருந்தாய்ங்க.
இந்த மாதிரி மேட்டர்ல எல்லாம் ஒரு பானை சோறு அண்ட் ஆல் தட் எல்லாம் உதவாது .பூனைக்குட்டி முழுசா வெளிய வரனும்.

ரஞ்சித் தலித் என்பதாலும் - கபாலியில் தலித்தியம் பேசப்பட்டதாகவும் பல நண்பர்கள் -முக்கியமாக திமுக அனுதாபிகள்  கபாலியை தூக்கிப்பிடித்தார்கள்.
நாம என்னமோ ஊருக்கெல்லாம் ஒரு வழி -ஒன்னரை கண்ணனுக்கு ஒரு வழிங்கறாப்ல படத்தை படமா பார்த்து கிளிச்சு தொங்க விட்டுட்டம்.

இயக்கியவர் தலித் - தயாரித்தவர் நான் பிராமின் -நடித்தவர் ரஜினி - படத்தை வாங்கியது யாரு?ஜாஸ் சினிமாஸ். இதை வாங்கின காசு யாரோடது?  மக்களோடது .

மக்களில் 52 சதவீதமா இருக்கிறது ஆரு? எஸ்.சி,எஸ்.டி,பி.சி,மைனாரிட்டிதானே .இவிகளுக்கு செல்ல வேண்டிய நல திட்டங்களையோ / வளர்ச்சி திட்டங்களையோ காயடிச்சு கொள்ளையடிச்ச காசு இது .

இந்த காசை போட்டு படத்தை வாங்கி எந்தெந்த வழியில சனத்தை கொள்ளையடிக்கலாம்னு ரூம் போட்டு ரோசிச்சு கொள்ளையடிச்சுட்டானுவ.
இந்த கொள்ளைக்கு துணை போனதுதான் ரஞ்சித்தோட சாதனை. இதுல மம்மி ரஜினி பேரனுக்காவ ஒரு ஸ்கூலையே த.செவுக்கு கூப்டு டைரிமில்க் சாக்லெட் கொடுத்து மகிழ்ந்திருக்காய்ங்க.

குசேலனுக்கு மிந்தி படங்கள்ள ரஜினி பேசின டயலாகை எல்லாம் ரஜினியே சொந்தமா எழுதி பேசினதா பொங்கின கும்பல்லாம் அடங்கிருச்சு. காரணம் குசேலன்ல ரஜினி பேசின வசனம்

இப்ப ரஞ்சித் என்னடா டிவி18 பேட்டியில எல்லாத்தையும் ரஜினியே வேண்டி விரும்பி ஏத்து பேசினதா அடிச்சு விட்டிருக்காரு (பாவம் சினிமாவ பத்தி தெரிஞ்ச அளவுக்கு -ரஜினிய தெரியல அவருக்கு )

இளையராசா ஏதோ கோவில் கோபுரத்துக்கு நிதி கொடுத்தாரு .ஆனால் மேடையில என்னாச்சு? அப்ப வருசம் என்ன?

அமெரிக்காவுல இருந்து வந்த ரஜினி உடனே தமிழகத்தின் ராஜகுரு சோ ராமசாமிக்கு ப்ரிவியூ போடறாரு . தயாரிப்பாளர் கூட இருக்காரு . ரஞ்சித்தை எங்கே? இது 2016.

கொய்யால இப்ப எவன் சாதி பார்க்கிறான்னு எவன்னா கேட்டா என்ன பண்ணனும்னு நீங்களே முடிவு பண்ணுங்க.

இதான்யா கபாலி ஆண்டைங்க கதைய முடிக்கிற லட்சணம் .என் வேண்டுகோள் படத்தை படமா பார்ப்பம் . படமா இருந்தா தூக்கி பிடிப்பம்.பப்படமா இருந்தா தூக்கி வீசுவம்.

இயக்குனர் தலித்ங்கறது  ஒரு விபத்து மாதிரி . சினிமா அப்படியில்ல .ப்ளான் பண்ணி  செய்யற விஷயம். எதையும் ப்ளான் பண்ணி செய்யனும் .ரஞ்சித் கோட்டை விட்டுட்டாரு .

ரஜினிய பாருங்க என்னமா ப்ளான் பண்ணி பண்றாரு ..ரஞ்சித் ரஜினி கிட்டே கத்துக்க வேண்டிய மேட்டர் எவ்வளவோ இருக்கு .
பெட்டர் லக் நெக்ஸ்ட் டைம் ரஞ்சித் !