எந்த ஆண்டுக்கும் புத்தாண்டுபலன்

அண்ணே வணக்கம்ணே !

புத்தாண்டு பலன்னா அது எந்த ஆண்டுக்கு சொல்லப்படுதோ அந்த ஆண்டுக்குத்தேன் பொருந்தும். எல்லா ஆண்டுக்கும் பொருந்தறாப்ல ஒரு ஆண்டுபலன் எழுதினா எப்டி இருக்கும்னு சின்னதா ஒரு ஆசை. அந்த ஆசையின் விளைவே இந்தபதிவு.

பதிவுக்கு போறதுக்கு மிந்தி ஆண்டு பலன் பற்றி சிறுகுறிப்பு:

ஆண்டுபலன்னா சனி,குரு,ராகு,கேது சஞ்சாரத்தை வச்சு எளுதிருவாய்ங்க.ஆனால் நம்ம அனுபவத்துல செவ் தான் சூப்பர் ஸ்டார். சரித்திரத்துல வாழ்க்கையில முக்கியமான டர்னிங் பாய்ண்ட் எல்லாம் செவ் பெயர்ச்சியை ஒட்டியே நடந்திருக்கிறது. அதனால ஆண்டுபலன் எளுதறவுக இனியாச்சு செவ்வாயை சேர்த்துக்கிடனும். வேண்டுகோள் தேன்.

ஆண்டுபலன்ல இன்னொரு ஸ்டைல் இருக்கு.இதுவரை சொன்னது மைக்ரோ ஜோதிடம். அடுத்தது மேக்ரோ ஜோதிடம்.

.உ.ம் சனி உச்சம் பெற்று இருக்கிறதால தொழிற்சங்க அமைப்புகள் பலம் பெறும். உழைக்கும் வர்கம் ,பாட்டாளி மக்கள் (கட்சி இல்லிங்கோ) ,ஏழை மக்கள் நலம் பெறுவர். ஐரன் ஸ்டீல் சுரங்க தொழில் செழிக்கும். இப்படி சொல்றது .

ஆண்டுபலன்ல இன்னொரு ஸ்டைலும் இருக்கு. வருசத்தோட நெம்பரை கூட்டி சிங்கிள் நெம்பர் ஆக்கி அவுத்து விடறது. உ. 2012 இதை கூட்டினா 5 வருது. அஞ்சுன்னா புதன். ஆக இந்த வருசம் புத காரக மனிதர்கள்,தொழில்கள் எல்லாம் புஷ்டியாயிருவாய்ங்க.

சரி சரி.. பதிவுக்கு போகாம என்னய்யா மொக்கை இதுன்னு நீங்க நற நறக்கிறது சித்தூர்ல கேட்குது. பதிவுக்கு போயி உடலாம். உடுங்க ஜூட்..

எந்த ஆண்டுக்கும் பலன்:

எல்லோருக்கும் வருசம் ஜனவரி 1 ஆம் தேதி ஆரம்பமாகுதுனு வைங்க.உங்களுக்கு மட்டும் உங்க பிறந்த நாளன்னைக்கே புது வருசம் ஆரம்பமாகுதுனு வைங்க. இப்போ மொதல் மாசம் எது மறு மாசம் எதுன்னு 12 மாசத்துக்கு கணக்கு போடுங்க.

உம்: என் பிறந்த நாள் ஆகஸ்ட் 7

என்னோட ஆண்டு ஆகஸ்ட் 7ஆம் தேதி பிறக்குது. என் ஆண்டின் முதல் மாதம் ஆகஸ்ட் 7 முதல் செப்ட6 வரை. இப்படி உங்க பிறந்த மாதம் தேதியை ஆரம்பமா கொண்டு பட்டியல் ரெடிபண்ணுங்க.

உ.ம்

ஆகஸ்ட் 7 முதல் செப்ட6 வரை : முதல் மாதம்

செப்7 முதல் அக்டோபர்6 வரை :இரண்டாம் மாதம்

இப்படி ஒரு பட்டியலை ரெடி பண்ணியாச்சுல்லியா. இப்போ மாதவாரி பலன் களை சொல்றேன் பாருங்க. கடந்த வருசம் நடந்த சமாச்சாரங்களை வச்சு டேலி பண்ணி உங்க கருத்தை சொல்லுங்க .

முதல் மாதம்:

ஆரோக்கியம் காக்க யோகா,உடற்பயிற்சி,துணி மணி வாங்கறது, ப்யூட்டி பார்லர் போறது .தலை தொடர்பான வேலைகள் (ஹேர் கட்லருந்து,மண்டைக்கு அடிபடறது கூட)

2ஆம் மாதம்:

கொடுக்கல்,வாங்கல் (ரெவின்யூ ஐட்டம்ஸ்), பேச்சு வார்த்தை, குடும்பத்தோட அதிக நேரம் செலவழித்தல், புது புது ரெசிப்பியா சமைக்க சொல்லி சாப்பிடறது கண்,வாய்,தொண்டை தொடர்பான வேலைகள்

3ஆம் மாதம்:

சின்ன சின்ன பிரயாணங்கள். தைரியமா செயல்படறது. நல்ல ம்யூஸிக் கேட்கிறது. ப்ரதர்ஸ்,சிஸ்டர்ஸ் கூட டைம் பாஸ் பண்றது.அவிக சம்பந்தமான விவகாரங்களை பைசல் பண்றது.காது,புஜம் தொடர்பான வேலைகள்

4ஆம் மாதம்:

தாய்,தாய்வழி உறவுவீடு ,வாகனம்,கல்வி,இதயம் தொடர்பான பணிகள்

5ஆம் மாதம்:

புத்தியை கூர்மை படுத்திக்க கவிதை 07 ல பலான பதிவுகளோட அறிவுப்பூர்வமான பதிவுகளையும் படிக்கிறது. பெயர் புகழ் வர்ரது. சின்னதா அதிர்ஷ்ட வசமா ஒரு வேலை முடியறது. காக்கா உட்கார பனம் பழம் விழுந்த கதையா லாபமடையறது. வாரிசுகள் தொடர்பான விசயங்கள்.மார்புக்கும்,வயிறுக்கும் இடைப்பட்ட பாகம் தொடர்பான வேலைகள் (அங்கே எரிச்சல்லருந்து அங்க அங்க துடிப்பு ஏற்படறது உட்பட)

6ஆம் மாதம்:

கடன், நோய்,விரோதம்,விவகாரம்,அஜீரணம்,வயித்துவலி,வாந்தி

7ஆம் மாதம்:

ஃப்ரெண்ட்,லவர்,பார்ட்னர்,வைஃப் தொடர்பான வேலைகள். தொப்புள் சம்பந்தமான பிரச்சினைகள். (ஆம்லெட் போடமாட்டிங்க இல்லயா?)

8ஆம் மாதம்:

தீர்க்க முடியாத கடன் வாங்கறது, கடன் காரன் கழுத்தை (உங்க கழுத்தைங்க) நெறிக்கிறது.தனிமை, திரஸ்காரம் ( நிராகரிப்பு) அடிபடறது,விபத்து, மரண செய்தி, இறுதி ஊர்வலம் ,காரியம் கருமத்துல கலந்துக்கறது. இன உறுப்புல அடிபடறது, அங்கே நோய் தாக்கறது.வீண்பழி சுமக்கறது

9ஆம் மாதம்:

சேமிப்பு,டூர் (முக்கியமா பக்திமயமான),அப்பா,அப்பா வழி உறவினர்,தூர தேசங்கள் போறது,அங்கே உள்ளவங்களோட கடித தொடர்பு,அங்கிருந்து காசு பணம் வர்ரது,கோவில் குளம் போறது,எம் ஜி ஆர் வேலைகள் செய்வது,முழங்கால் தொடர்பான வேலைகள் (பலான நேரத்துல ரெண்டு பேரும் டிவி பார்க்கனும்னா அது இந்த மாசத்துல தான்)

10ஆம் மாதம்:தொழில்,உத்யோகம் வியாபாரங்கள் மேல கான்சன்ட் ரேட் பண்றது.

11ஆம் மாதம்: ஒன்பதாம் மாசத்துல செய்த சேமிப்பால லாபம் அடையறது. 10 ஆம் மாசத்து உழைப்புக்கான பலனை அடையறது.அக்கா அண்ணா சமயத்துக்கு உதவறது.கணுக்கால் துடிப்பு.

12ஆம் மாதம்:

அலைச்சல் திரிச்சல்,கஷ்டம், நஷ்டம், வீண் பிரயாணங்கள், தண்ட செலவுகள், புத்தி வக்கரிச்சு செக்ஸ் தொழிலாளிகளை அணுகறது